الانترنت فائق السرعة ...يا بلاش

طبعا كلنا سمعنا عن أسعار الأنترنت الجديدة ,,بيقولوا 45 جنية في الشهر ..يا بلاش..بس استني يا حبيبي اخرك في الشهر تنزل 2 جيجا بس , يعني تشوف ايملك و تفتح شوية مواقع و تعمل دون لود كام حاجة و لو لاسمح الله زودت عن ال 2 جيجا بتوعك تدفع 10 جنية علي الجيجا يعني لو بتستخدم النت أقصي استخدام زي ما اغلبنا بيعمل .. وده حقنا.. ممكن تسحب 80 جيجا في الشهر و تطلع فاتورة النت 825 طبعا الحكومة عملت كدة عشان تحارب ما يسمونه مافيا الوصلات .. مع أن مفيش أي نص قانوني يمنع توصيل النتورك بين الشقق ده غير أنك مهما وصلت أكيد مش هتاخد أكتر من حقق لأن الداتا اللي هتتسحب هي هي يعني مش هتاخد بايت زيادة عن العقد اللي انت عمله مع شركة الأنترنت.. ده غير أن الجهاز القومي لمراقبة الأتصالات الفاشل ..المفروض يكون هدفه حماية المستهلك من نصب الشركات مش مساعدة الشركات علي النصب علي المستهلك.. أول لما طلع عمل حملة أعلانية في الجرايد و التليفزيون يظهر فيها المواطن المصري الغلبان يشكل مهزأ لابس بيجاما و ممسوك من قفاه بطريقة تدعو إلي الأشمأذاذ ,أعتمادا علي أسلوب ترهيب الشعب المصري حتي تستمر شركات الأنترنت في جني المزيد من الأموال ..يا تري الأعلانات دي علي حساب مين ؟؟

و إليكم مهزلة تصريحات المسؤلين علي الجرايد بصراحة حاجة تضحك ,, انا عن نفسي اتكسفتلهم
هنا رئيس الجهاز القومي لمراقبة الأتصالات بيقول ان نظام الدفع الجديد دة أختياري بس و ممكن الواحد يرجع لنظام الدفع الأصلي 95 شهريا كلام جميل و يحل الأزمة كلها ..
جريدة الاخبار تاريخ 21 يوليو 2007
هنا وزير الأتصالات يقول ان نظام الدفع الجديد أجباري و ان هناك النظام المحدود بالساعات اليومية ... طب نصدق ميين
الأهرام 22 يوليو 2007
هنا بقي أعلان في نفس ذات جرنال الأهرام بيكدب كلام وزير الأتصالات و بيقول ان مفيش نت محدود بساعات و انو محدود ب 2 جيجا بس

اذن ما العمل ..
1- أول حاجة لازم نهيأ وضعنا علي ان ممكن نقعد فترة من غير نت يعني لو بتفتح رفرنس اون لاين كل شوية ممكن تنزله علي جهازك
2-تاني حاجة نستني الخبر لما ملامحة تبان أكتر و نشوف كلام مين اللي صح و لو الموضوع طلع أجباري لازم كلنا نقاطع الدي اس ال حتي لو الخدمة دي تناسبنا عشان ده أستغلال رغم أحتياجي الشديد جيدا و شغلي و حالي اللي هيقف لكن مش مشكلة محدش يستغلنا و خلو بالكو ان السلاح ده فعلا قوي جدااااااا ...
افتكرو شركات الموبيل لما كانت عايزة تلغي نظام الأصلي الناس بطلت تشتري كروت لمدة 10 أيام بس حال الشركات اتوقف و لمو نفسهم و رجعو النظام الأصلي تاني بعد لما خسرلهم كام مليون كدة علي ما قسم ...